Xincana de Nadal

O xoves realizamos no cole unha actividade moi divertida con códigos QR.
Un código QR é un sistema para almacenar información nunha matriz de puntos, caracterízase polos tres cadrados que se atopan nas esquinas e que permiten detectar a posición do código ao lector (móbil ou tableta)
Neste caso utilizamos os códigos QR para facer unha xincana de Nadal, a través de pistas para chegar ao lugar onde se atopaba o tesouro!
Lemos a primeira pista:
"Se os agasallos do Apalpador e Papá Noel queres atopar a xunto de Roelibros terás que marchar"

Roelibros é a mascota da biblioteca, así que para alí fomos.
Atopamos unha nova pista: " Que estades a buscar? Mirade na clase que rima con cesto"
Así que marchamos para a clase de sexto.

Outra pista estábanos a esperar "Unha señorita moi señoreada, que sempre vai en coche e sempre está mollada" Tiñamos que buscar un lugar onde houbera unha lingua.

Así que fomos á clase de Audición e Linguaxe, xa que ten unha lingua na porta.
Dentro atopamos outra pista: " Nesta clase hai que falar moito, ide a clase de 9 menos 8"

Marchamos para a clase de 1º, e alí estaba a última pista "Nunca quito a roupa, pero poño un disfraz, enriba do meu vestido verde ao chegar o Nadal"

A pista guiábanos a árbore de Nadal.
E alí atopamos a recompensa ao noso esforzo: o diploma dos mellores detectives da 1º edición de xincana de Nadal do CEIP de Monterroso. Ímolo colgar na clase para recordar o ben que o fixemos!

Felices festas!! 🎅🎄⛄

Día Internacional da Discapacidade

Hoxe, 3 de decembro, é o Día Internacional da Discapacidade.

Hoxe en día utilízase o termo Diversidade Funcional, xa que todos somos diferentes pero ao mesmo tempo iguais. Somos diversos e únicos.

Como di Ángela Carolina Aguilera (poeta invidente): 

"As persoas con discapacidade non somos nin temos capacidades diferentes.

Todos, con o sen discapacidade temos capacidades diferentes,

e si, somos diferentes,

como o son cada ser humano, que é único e valioso nas súas distintas

diferenzas"

Deixámosvos unha fermosa canción feita polos alumnos/as do Ceip Antonio Fernández López (Oural, Sarria) que trata este tema.

Feliz domingo!

O Apalpador

Aproxímase o Nadal!⛄ e dende o Equipo de Dinamización da Lingua Galega gustaríanos achegar a figura do Apalpador aos pequenos/as. Para iso nada mellor que facelo a través dun fermoso conto para os máis pequerrechos/as: "O Apalpador e a castaña máxica" de Xoán G.

E para os máis maiores unha novela de aventuras: "O Apalpador vs Papá Noel" de Fernando M. Cimadevila.

Se queredes coñecer máis sobre a historia do Apalpador premede na seguinte ligazón: https://gl.wikipedia.org/wiki/Apalpador

Por último deixámosvos unha fermosa canción do Apalpador do grupo musical Malvela para escoitar cos pequenos/as e maiores.

Desfrutádea! 😄

O martes pasado celebramos o Magosto e o Samaín, para iso decoramos o cole e puxémolo terrorífico coa axuda das cabazas que trouxeron os nenos e as nenas.

              🎃🎃🎃🎃🎃🎃🎃🎃🎃🎃🎃🎃🎃🎃🎃🎃

💀💀💀💀💀💀💀💀💀💀💀💀💀💀💀💀💀

Montamos un photocall onde os nenos e as nenas transformáronse en Frankestein, Drácula e ata nunha pantasma! Logo posaron no marco do "facebook" Quedaron de medo!

Aquí podedes ver aos alumnos/as de 3 anos:

Os alumnos/as de 4 anos:

Os alumnos/as de 5 anos:

Os alumnos/as de 1º de Educación Primaria:

Os alumno/as de 2º A:

Os alumnos/as de 2º B:

Os alumnos/as de 3º:

Os alumnos/as de 4º:

Os alumnos/as de 5º:

E os alumnos/as de 6º:

👻👻👻👻👻👻👻👻👻👻👻👻👻👻👻👻

Despois comimos as castañas para celebrar o Magosto

        🌰🌰🌰🌰🌰🌰🌰🌰🌰🌰🌰🌰🌰🌰🌰🌰🌰🌰

SAMAÍN E MAGOSTO

Hoxe celebramos no cole o Samaín e o Magosto!
Pronto poñeremos as fotos tan divertidas que fixemos no photocall!
Moitas grazas pola vosa colaboración nesta festa!
FELIZ SAMAÍN hahahaha 👻👻

BENVIDOS!

O equipo de Dinamización da Lingua Galega deséxavos un feliz comezo de curso!

Desde o Equipo de Normalización Lingüística, desexamos a toda a comunidade educativa un feliz verán!

FESTIVAL DE FIN DE CURSO

Para rematar este curso académico, nada mellor que a actuación magnífica dun mago e, por suposto, as nosas actuacións musicais e deportivas. 

Quedamos boquiabertos coa sorprendente actuación de acrosport dos alumnos!

E tamén botamos unhas boas risadas co Mago Pablo!

SEMANA DAS LETRAS GALEGAS

Este ano adicado ó escritor Carlos Casares, a través de unidades didácticas e da exposición no corredor principal do centro, tentamos achegar a súa obra.

As actividades foron diversas e divertidas, en colaboración co equipo da biblioteca.

Acompañounos o xenial Miguel Anxo Alonso Diz, para presentarnos dous dos seus contos; "O soño de Esther" e "A nena feliz".

RECUPERACIÓN DOS XOGOS TRADICIONAIS

No intento de dar a coñecer os xogos populares dos nosos avós, achegando como pasaban as horas de ocio e de lecer, contamos coa colaboración da profesora de Educación Física e das familias.

Xogos populares como os zancos, a petanca, os aros, a mariola...

Unha xornada lúdica e inesquecible na que recuperamos os xogos tradicionais da nosa comarca.