FESTIVAL DE NADAL

Unha data feiticeira na que os nosos corazóns rebulen de amor, paz e ilusión ao carón das panxoliñas e das actividades que preparamos para engaiolar ao noso alumnado.

O corredor principal disfrazouse de festa e troula sendo unha xornada leda e inolvidable para toda a familia educativa.

Velaí unha mostra...

VISITA DOS REIS MAGOS Ó CEIP DE MONTERROSO

Tivemos a sorte este ano de que chegaran os Reis Magos ó carón dunha actividade dinamizadora da nosa lingua para inculcar nos máis novos a utilización da lingua galega para escribir a carta ós Reis.

Previamente, traballamos nas aulas realizando as cartas para entregar persoalmente ás súas Maxestades.

Foi unha xornada alucinante, poder sentarse no seu colo e facer a petición do seu agasallo preferido.

CELEBRACIÓN DO MAGOSTO NA ESCOLA

"Polo San Martiño, a castaña molla o viño"

Unha tradición inesquecible na nosa comarca ao redor dun producto, a castaña, que ten unha importancia considerable, dada a súa produción e distribución, sendo un eixe importante na economía da nosa vila.

Fixemos a degustación das castañas e foi unha xornada lúdica e deportiva.

OBRADOIRO MEDIOAMBIENTAL E DE RECICLAXE

Continuamos este ano colaborando co Banco de Tapóns de Lugo para fins solidarios e para separar e reciclar os plásticos pedindo colaboración sempre ás familias. Ánimo para traer moitos tapóns ó cole e así seguir fomentando a reciclaxe de plásticos!

PROXECTO VOZ NATURA: "AFORREMOS UNHA PINGA DE ILUSIÓN"

Acadamos un ano máis  unha dotación económica importante para seguir a reforestar o noso patio escolar e tamén coñecer mellor, respetar e coidar os espazos naturais da nosa localidade: A Peneda e o río Ulla.

PARABÉNS E BENVIDOS Ó CURSO 2013/2014

Un novo curso comeza cheo de ilusións e desexos para achegar as tradicións da nosa cultura, obradoiros e celebracións, para que o legado donado dos nosos devanceiros continúe a xermolar con novos proxectos en prol da dinamización da nosa lingua dentro da nosa comunidade educativa.

CONTACONTOS NA ESCOLA: O CARBALLO CON BOTAS

Para conmemorar conxuntamente o Día do Libro e a Semana das Letras Galegas, agardábamos inquietantes a colaboración dun xenial contacontos, Anxo Moure,  que engaiolou a todos os pequenos da escola, amosándonos inquietudes de respecto e coidado cos nosos bosques e coa natureza.

 

Foi unha xornada alucinante na que os nenos disfrutaron e se convertiron en contacontos por un día!

SEMANA DAS LETRAS GALEGAS

Este ano adicado ao inxenioso Roberto Vidal Bolaño e a súa obra, non nos esquecemos tampouco da poetisa Rosalía de Castro co gallo do centenario da obra Cantares Gallegos. Subliñar que o festival das Letras celebrarémolo a finais de xuño, con cantigas, coreografías e interpretacións musicais diversas.

OBRADOIRO DE CREACIÓN LITERARIA: DÍA DO LIBRO

Adicamos este día a unha árbore coñecida polos monterrosinos: o carballo, tomando como referencia a fermosa carballeira do Espazo Recreativo de A Peneda. Á carón desta, fixemos un conto infantil titulado O trasno da Peneda.

EXPOSICIÓN DIDÁCTICA DE LIBROS RELACIONADOS COA NATUREZA

 

Que interesante está este libro! 

OBRADOIRO DE ALIMENTACIÓN E CONSUMO: FACEMOS GALLETAS NA ESCOLA

Primerio damos a coñecer os ingredientes paso a paso: catro ovos, fariña, levadura, azucre, manteiga e virutas de chocolate. Procedemos a mesturar todos os ingredientes e facilitámoslles formas diversas para que cadaquén faga a súa galleta inesquecible. Poñemos moito empeño nos pasos a seguir e... ó forno!

Desexando probalas xa, que ricas as nosas galletas!

UNHA TRADICIÓN ENGAIOLANTE: O ENTROIDO

O Entroido na escola ten un sentimento especial, desde sempre sentímonos moi involucrados con esta festa para disfrutar, imaxinar, degustar e concienciar a sociedade de que unha festa tan ancestral nunca debe perderse.

Os alumnos de Educación Infantil disfrazámonos de Pinga Plof despois de fomentar inquietudes de respecto cara a auga, facendo dela un consumo responsable.

 



No 1º ciclo protagonizaron unha sesión de skate, confeccionando os patinetes con materiais de refugallo.





 

No 2º ciclo, puxeron especial interés en utilizar roupa vella e materiais de refugallo, facendo una homenaxe ós oficios dos nosos antergos: queixeiras, zoqueiros, feireantes...

 

No 3º ciclo recrearon un bosque animado cheo de flora e fauna típica da Comarca da Ulloa, aludindo ó reciclaxe do lixo nos distintos contedores.

 

 

Para rematar a festa, non podía faltar as larpeiradas típicas do Entroido, acompañadas dunha gran chocolatada, a cal puidemos degustar xuntos no comedor do centro educativo.

CREACIÓN DA BRIGADA VERDE

Para o mantemento e conservación da nosa plantación e do coidado e limpeza do noso patio escolar, inauguramos xunto con esta xornada a BRIGADA VERDE integrada por todos os alumnos de 5º e 6º de Educación Primaria, co obxectivo de vixiar as árbores e tamén axudar ós seus compañeiros a depositar cada lixo no seu colector na hora do recreo.

 

 

Parabéns a todos os componentes da Brigada Verde pola vosa colaboración e o voso esforzo altruísta!

CONCURSO DE PROPOSTAS DE AFORRO ENERXÉTICO

Desde o ENL, decidimos convocar un concurso de propostas para fomentar medidas de aforro enerxético con pequenos xestos. Para iso, decidimos buscar un eslogan e una mascota que fosen o eixe central do noso proxecto medioambiental.

A nosa mascota LUCIÑA e o noso eslogan: "Dá luz verde á túa vida, aforra enerxía".

 

 

 

Como podedes comprobar, os traballos presentados trataban desde o aforro de auga, luz, a reciclaxe, a selección do lixo nos distintos colectores, e propostas moi creativas dos nosos alumnos.