CELEBRACIÓN DA CHEGADA DO OUTONO E A SÚA FESTA: O MAGOSTO

Xa chegou o outono aportando novas ideas para coñecer mellor as especies autóctonas e o producto típico da nosa comarca, a castaña. Fixemos un estudio minucioso nas aulas ao carón dunha tradición engaiolante: o Magosto.

Da man desta iniciativa dos alumnos de 5º de Primaria achegamos os refráns máis coñecidos da Comarca da Ulloa: "Apaña unha castaña non sexas lacazán, apaña unha castaña e lerás un refrán"

Orixinal recompilación de recetas coa castaña.

Esta é a mostra dos traballos realizados polos alumnos dos distintos cursos de Educación Infantil e Primaria. 

BENVIDOS Ó NOVO CURSO 2015/2016!

Estamos de noraboa, comeza un curso cheo de cambios e curiosidades e seguimos cun proxecto mediombiental con Voz Natura para pescudar no coidado e respecto polos nosos espazos naturais máis próximos. Seguiremos fomentando nos alumnos inquietudes medioambientais e tamén a curiosidade polo mundo da botánica. 

FELIZ VERÁN E DISFRUTADE A TOPE!

O Equipo de Normalización Lingüística deséxavos un feliz verán! Agardamos seguir traballando pola nosa lingua e agarimando a toda a comunidade educativa. Grazas a todos e todas pola vosa colaboración!

ACTUACIÓN DE TÍTERES TRES GLOBOS NA ESCOLA

O noso alumnado puido disfrutar da actuación de "Pedro e o Lobo" da man de "títeres Tres Globos", que entusiasmou coa súa historia e orixinalidade ós alumnos de Infantil e primeiro e segundo de Primaria.

SEMANA DAS LETRAS GALEGAS

Adicada este ano a mestre Xosé Filgueira Valverde, realizamos distintas unidades didácticas axeitadas a cada curso para achegar a vida e obra deste autor.
Celebramos tamén o Festival das Letras Galegas con distintas actuacións, lecturas de poemas musicalizados, bailes e acrobacias.

OBRADOIRO DE RECICLAXE: ELABORACIÓN DE CARTEIS COS NOMES DAS PLANTAS

Realizamos distintos carteis, un para cada planta, co nome en galego e castelán para recoñecer o arbusto, árbore ou planta. Mirade que fermosos nos quedaron!

OBRADOIRO DE FARMACIA NATURAL: "A BOTICA DO NOSO COLE"

Realizada polos alumnos de 3º de Educación Primaria e 6º de Educación Infantil da man da Fundación Barrié de la Maza, que nos agasallou cun baúl de sementes de 23 especies diferentes para ver o proceso de crecemento das plantas, propiedades e beneficios para o noso benestar. Unha lección de botánica orientada desde Farmacia Natural.

CREACIÓN DO HORTO ESCOLAR: UNHA XORNADA LÚDICA E IRREPETIBLE

No patio escolar atopamos un lugar axeitado para ubicar o noso horto escolar de plantas aromáticas, despois dun minucioso estudo das máis coñecidas da nosa comarca. Unha actividade principal do Proxecto Voz Natura.

CONMEMORACIÓN DO DÍA DO LIBRO

Contando coa colaboración do equipo da biblioteca achegamos o alumnado a magna obra de Cervantes: "O Quixote", da man de unidades didácticas e xeitosos murais programados para o evento.

Co firme propósito de fomentar a lectura de autores diversos durante todo o curso escolar, achegamos tamén distintas propostas didácticas de lectura para o tempo de lecer.

OBRADOIRO DE TRADICIÓN ORAL: "CONTO VIAXEIRO DAS PLANTAS AROMÁTICAS DA ULLOA"

Actividade levada a cabo pola titora de 6º de Educación Infantil en colaboración coas familias. Sorprendente participación con verdadeiras obras de arte no eido da botánica.

CELEBRACIÓN DO ENTROIDO NA ESCOLA

Unha xornada lúdica e divertida na que participamos cos nosos disfraces nun laborioso desfile adicado este ano os contos tradicionais: "Carapuchiña e o Lobo", "Brancaneves e os 7 enaniños", "Pitufolandia" e o "Flautista de Hamelín".

DEGUSTACIÓN DE DOCES TÍPICOS DO ENTROIDO E CHOCOLATADA

CELEBRACIÓN DO DÍA DA PAZ E NON VIOLENCIA

Da man dun superglobo da paz, cheo de mensaxes, manualidades, pombas e adicatorias dos alumnos co obxectivo de potenciar a solidariedade e a convivencia no entorno, facendo un mundo mellor.

OBRADOIRO MEDIOAMBIENTAL: "COÑECEMOS AS PLANTAS AROMÁTICAS DA ULLOA"

Unha iniciativa lúdico-didáctica recollida no proxecto Voz Natura para coñecer a fondo a botánica da Comarca da Ulloa coa participación de todas as familias.

A actividade consistiu na elección dunha planta, árbore ou arbusto da Ulloa e elaborar unha ficha didáctica adiviñando propiedades, usos e beneficios da mesma.