venres, 3 de decembro de 2010

VISITA A FÁBRICA DE DIQUEIXA










Dentro do obradoiro de alimentación e consumo, neste primeiro trimestre, organizamos unha saída escolar cos alumnos de Educación Infantil para visitar a fábrica de queixos denominación Arzúa-Ulloa Diqueixa, onde puidemos participar na elaboración industrial, o etiquetado e todo o proceso do queixo desde o alimento básico, o leite, ata o seu envasado, e por suposto a degustación do mesmo. Unha experiencia moi gratificante e divertida que tivo lugar en Olveda (Antas de Ulla)

mércores, 1 de decembro de 2010

OBRADOIRO DE TRADICIÓN ORAL COÑECEMOS OS HÓRREOS





Da man dun experto na recollida de tradición oral e elaboración dos hórreos, tentamos achegar aos máis novos o gusto por estas construccións tan importantes en Galicia, así como coñecer a súa utilidade e a importancia no noso entorno.

mércores, 24 de novembro de 2010

O MAGOSTO NO NOSO CENTRO


Como todos os anos festexamos o Magosto na escola, achegando esta tradición de outono a todos os escolares. Confeccionamos conos e bolsos ca Castaña Dorinda como podedes ver neste imaxe para depositar as castañas asadas.

xoves, 4 de novembro de 2010

CONMEMORACION DOS 500 ANOS DA FEIRA DE SANTOS

 



Unha xeitosa recopilación de fotos e ilustracións a carón da memoria histórica da Feira de Santos amosou no corredor principal do cole a conmemoración dunha data tan especial e irrepetible: 500 anos da Feira de Santos.
Contamos tamén coa colaboración do profesor D. Tomás Pereiro para o coloquio amistoso cos alumnos e alumnas no cal contou as súas vivencias de como era antigamente esta feira.



mércores, 29 de setembro de 2010

CONCERTO DIDÁCTICO A CARGO DE PACIOR E MIGUEL



Os profesores de percusión e gaita da Asociación Cultural Falcatrueiros, Miguel López e Pablo Pardo, achegáronse ó noso centro para fomentar nos nosos alumnos o gusto pola música tradicional, animándoos a participar na escola de gaita, baile e percusión.
Foi un concerto didáctico sorprendente que animou a moitos alumnos a iniciarse no mundo da música.

martes, 7 de setembro de 2010

CURSO ACADÉMICO 2010/2011






¡ESTAMOS DE ESTREA!
Por fin este curso podemos disfrutar dun novo edificio para albergar o CEIP DE MONTERROSO. Un novo espazo para seguir sementando valores e normas, hábitos tentando achegar aos escolares a cultura e potenciando a lingua galega.

luns, 21 de xuño de 2010

Camiño de Santiago




Como estamos en ano Xacobeo pensamos que unha boa idea para pechar este curso era percorrer un tramo do camiño francés, que pasa bastante preto do noso colexio. Os "peques" non fixemos moitos quilómetros, pero pasámolo ben. Os maiores xa andaron máis, que para iso teñen as pernas máis longas.

xoves, 17 de xuño de 2010

Granxa Barreiros

















A primavera é un bo momento para ir ó campo e nós visitamos unha granxa. Alí coñecemos algunhas plantas aromáticas, demos de comer ás galiñas, vimos as ovellas... Tratáronnos moi ben alí e fixemos un montón de cousas. O paseo no carro de Roque foi das cousas que máis nos gustaron...

martes, 8 de xuño de 2010

Visitamos Lugo


Lugo non está lonxe de Monterroso, pero para os nenos e nenas do cole é unha aventura. Fomos ver unha obra de teatro ó auditorio Gustavo Freire e, aproveitando que facía bo tempo, visitamos os parrulos do parque Rosalía de Castro. Pasámolo moi ben!

venres, 28 de maio de 2010

Día das Letras Galegas


Este ano tivemos a sorte de contar cun contacontos o día das Letras. Celso contounos varios contos que nos resultaron moi divertidos, pasamos un anaco fantástico coas súas historias.

Dende aquí queremos darlle as grazas pola súa visita.

venres, 23 de abril de 2010

Día do libro










Polo 23 de abril adoitan chegar ó noso colexio algúns libros novos. Aquí temos algúns dos nenos e nenas de infantil pasándolles revista, a ver que tal son este ano.

luns, 22 de febreiro de 2010

Día da Paz


Este ano escollemos unha maneira diferente de celebra-lo día da Paz. Fixemos unha carreira solidaria coa que recadamos cartos para a ONG Save the Children. Colaboraremos con esta ONG nos seus proxectos en Costa de Marfil.

O Nadal


Nadal non só é tempo de paz, senón que tamén é tempo de creatividade. Este ano organizamos un concurso de postais, e os resultados foron espectaculares. Tivemos cinco premiadas, pero había moitas máis que merecían un premio...