DÍA DA PAZ

Este día foi conmemorado por todos os cursos. Fixemos un decálogo de atención para fomentar actitudes, creando un universo cheo de estrelas e de mensaxes de paz, tolerancia e respecto.

Estrelas da paz e estrelas da canción!

OBRADOIRO MEDIOAMBIENTAL VOZ NATURA

Un ano máis seguimos co noso proxecto do Horto Ecolóxico con varias propostas e actividades para levar a cabo a nosa ilusión: "sementar sementarei no noso horto ecolóxico". 

Contaremos coma sempre coa colaboración dos Brigadas Verdes, alumnos e alumnas de 1º a 6º de Primaria.

A súa función durante os recreos consiste na vixianza e coidado do súa contorna máis próxima, ó longo de todo o curso.

A ubicación perfecta para o horto ecolóxico é a carón do horto de plantas aromáticas.

Coa colaboración de toda a comunidade educativa, preferentemente as familias, investigamos sobre as distintas hortalizas da Comarca da Ulloa, plasmándoas en fermosos traballos para facer un Libro Viaxeiro.

NADAL NA ESCOLA

Coma sempre intentando facer algo especial co Trasno do Nadal, traballamos nas aulas esta celebración con murais, cantigas, dramatizacións... cun entusiasmo especial que quedou plasmado no festival realizado no ximnasio. 

Nas vindeiras datas engadiremos as fotos desta celebración máxica!

DÍA DA VIOLENCIA DE XÉNERO

A conmemoración deste día foi simbólica e contamos nesta ocasión cunha fermosa iniciativa para reinvidicar a non violencia de xénero conxuntamente cun grupo de alumnos do IES Monterroso e os seus profesores. 

No ximnasio do CEIP realizamos unha xornada de convivencia cunha solta de globos e tamén a realización de murais por parte dos nenos. 

CONTACONTOS CON SUSANA HERRERA

Unha xornada interactiva a cargo da creatividade e o bo facer de Susana Herrera que nos fixo pasar un momento inesquecible.

Participamos todos con moita alegría!

Moitas grazas Susana! Agardamos a túa volta!

A FESTA DO MAGOSTO

Unha data que traballamos nas aulas con moitas actividades tentando achegar o producto típico do Outono da nosa comarca dun xeito lúdico e festeiro. 

Con moitas manualidades e preparando con envases de reciclaxe os nosos bolsos castañeiros.

Non faltaron cantigas e pandereteiras animando o Magosto!

CELEBRACIÓN DO SAMAÍN NA ESCOLA

A festa do Samaín sorprendeunos pola valiosa colaboración de todos os profes e alumnos para decorar o corredor principal do centro. Tamén agardecer a extraordinaria colaboración de todas as familias que aportaron cabazas sorprendentes cheas de orixinalidade.

Velaquí unha mostra das mellores cabazas!