O entroido

O entroido é unha das festas que máis nos gustan. Vivimos con emoción non só a troula dese día, senón os preparativos dos días, e semanas, anteriores. Ademais dos disfraces, fixemos unha degustación de produtos típicos: as orellas tiveron un éxito incrible!

Día da PAZ

No noso "cole" intentamos que o día da Paz sexa permanente, pero é inevitable que a finais de xaneiro nos fixemos un pouco máis nesta palabra. Aquí temos algúns dos traballos que fixeron os nenos e nenas de infantil e primaria.

O nadal

Fixemos algunha visita, aproveitando o Nadal, entre outras ó Belén de Begonte. Ós nen@s de tres anos gustoulles moito

Benvid@s!

Hoxe bota a andar o blog do noso colexio. Este espazo pretende ser o punto de encontro de tódolos membros da nosa comunidade educativa: nen@s, mestres/as, familias, persoal, etc...

Un lugar onde compartir as experiencias educativas que acontezan ao longo do curso, un lugar onde expresarse, a través da palabra e o diálogo, en resumo, unha prolongación do noso centro na rede.

Agardando que resulte do agrado de tod@s, sen máis, benvid@s!

Achegámosvos unhas fotos do Magosto no colexio e da saída ao Belén de Begonte dos nenos e nenas de Educación Infantil.