UNHA TRADICIÓN ENGAIOLANTE: O ENTROIDO

O Entroido na escola ten un sentimento especial, desde sempre sentímonos moi involucrados con esta festa para disfrutar, imaxinar, degustar e concienciar a sociedade de que unha festa tan ancestral nunca debe perderse.

Os alumnos de Educación Infantil disfrazámonos de Pinga Plof despois de fomentar inquietudes de respecto cara a auga, facendo dela un consumo responsable.

 



No 1º ciclo protagonizaron unha sesión de skate, confeccionando os patinetes con materiais de refugallo.





 

No 2º ciclo, puxeron especial interés en utilizar roupa vella e materiais de refugallo, facendo una homenaxe ós oficios dos nosos antergos: queixeiras, zoqueiros, feireantes...

 

No 3º ciclo recrearon un bosque animado cheo de flora e fauna típica da Comarca da Ulloa, aludindo ó reciclaxe do lixo nos distintos contedores.

 

 

Para rematar a festa, non podía faltar as larpeiradas típicas do Entroido, acompañadas dunha gran chocolatada, a cal puidemos degustar xuntos no comedor do centro educativo.

CREACIÓN DA BRIGADA VERDE

Para o mantemento e conservación da nosa plantación e do coidado e limpeza do noso patio escolar, inauguramos xunto con esta xornada a BRIGADA VERDE integrada por todos os alumnos de 5º e 6º de Educación Primaria, co obxectivo de vixiar as árbores e tamén axudar ós seus compañeiros a depositar cada lixo no seu colector na hora do recreo.

 

 

Parabéns a todos os componentes da Brigada Verde pola vosa colaboración e o voso esforzo altruísta!

CONCURSO DE PROPOSTAS DE AFORRO ENERXÉTICO

Desde o ENL, decidimos convocar un concurso de propostas para fomentar medidas de aforro enerxético con pequenos xestos. Para iso, decidimos buscar un eslogan e una mascota que fosen o eixe central do noso proxecto medioambiental.

A nosa mascota LUCIÑA e o noso eslogan: "Dá luz verde á túa vida, aforra enerxía".

 

 

 

Como podedes comprobar, os traballos presentados trataban desde o aforro de auga, luz, a reciclaxe, a selección do lixo nos distintos colectores, e propostas moi creativas dos nosos alumnos.

PRIMEIRA XORNADA DE REFORESTACIÓN NO PATIO ESCOLAR

Dentro das actividades programadas para o proxecto Voz Natura,  o dia 1 de febreiro realizamos a actividade máis importante: a reforestación do noso patio escolar,  facendo un espazo natural cheo de vida, de osíxeno e de sombra.

 

 

DÍA DA PAZ E NON VIOLENCIA

Comprometidos co noso proxecto medioambiental e tentando unificar inquietudes de paz e tolerancia, decidimos toda a comunidade educativa realizar UN SUPERMURAL DA ÁRBORE DA PAZ, na que todos os escolares aportaron as súas pombas de paz o 30 de xaneiro.

NADAL NA ESCOLA

Como ven sendo tradicional, non podíamos deixar de preparar unha morea de actividades lúdicas e máxicas para aloumiñar as vindeiras datas de Nadal. Velaquí as fotos do festival onde tivemos interpretacións instrumentais a cargo de Aldara e Samuel, e o seu grupo de 6º de Primaria.

 

 

 

Os máis cativos tamén nos agasallaron cunha dramatización moi simpática e varias panxoliñas de Nadal.

 

 

 

OBRADOIRO MEDIOAMBIENTAL: APRENDEMOS A RECICLAR

 

 

Coas seguintes ilustracións, lembramos como se debe facer una boa recollida do lixo nos distintos colectores.

 

 

Tentando achegar a recollida selectiva dos materiais de refugallo ós alumnos, iniciamos entre toda a comunidade educativa unha campaña de concienciación para depositar o lixo no colector correspondente.