OBRADOIRO DE ALIMENTACIÓN E CONSUMO: EXPOSICIÓN DOS FROITOS DO OUTONO

Os alumnos de Educación Infantil atoparon un tesouro do outono para coñecer, probar e disfrutar dos froitos típicos do outono, nunha caixa na que descubriron o trasniño que ía amosando aos nenos os produtos propios desta zona.

Que haberá nesta caixiña?

Canta emoción e curiosidade por saber que tería a caixa do outono!

Cada neno atopou unha tarxeta co nome dunha froita máxica.

Canto agarimo recibiu o trasno que se agochaba na caixa!

Mirade, atopei unha noz!

Pois eu atopei unha fermosa carocha de millo!

Mirade que marmelo máis xeitoso!

Eu atopei unha froita con moita vitamina: o kiwi.

Encontrei a froita protagonista do outono na nosa vila: a castaña!

EXPOSICIÓN DOS FROITOS DO OUTONO

OBRADOIRO DE EDUCACIÓN MEDIOAMBIENTAL: CONTO "O TRASNO DA PENEDA"

Velaquí o primeiro obradoiro deste curso. Ao carón do conto "O trasno da Peneda", achegamos ós máis noviños a estación do outono, a paisaxe das cores e dos froitos típicos desta data. Participaron e disfrutaron das imaxes e do contacontos onde amosábamos o espazo natural da Peneda, ilustrada co noso amigo trasno. Nesta experiencia entusiasmáronse co tesouro do outono, a castaña, e co coidado controlado dos nosos ríos.

O TRASNIÑO DA PENEDA!!!

Agochado no medio das follas atopamos o trasno!

O trasno recomenda manter sempre limpo os nosos ríos e espazos naturais do noso concello!

Puidemos ollar os froitos das nosas carballeiras: as landras.

BENVIDOS AO CURSO 2012-2013!

Seguimos animados para informarvos de todas as actividades e obradoiros que vaiamos realizando neste novo curso que comeza. De entrada estamos de noraboa porque fomos seleccionados co noso proxecto, "As árbores, fábricas de osíxeno", para participar no Programa Medioambiental de VOZ NATURA e galardonados cunha dotación económica importante.

Realizaremos unha xeitosa plantación de árbores no patio da nosa escola. Tentaremos reforestar o noso contorno máis próximo, tratando de inculcar ós nosos alumnos e alumnas hábitos medioambientais e   fomento do aforrro enerxético para acadar unha vida sá e sostible.

FESTIVAL DE FIN DE CURSO

Como broche final a un curso intenso e cheo de numerosas actividades e interesantes obradoiros, por fin chega o festival de fin de curso para o que traballamos moito as dramatizacións e as coreografías.
Lembrar o esforzo realizado por todos os alumnos e as profesoras que colaboraron no festival, facéndonos disfrutar dunha xornada única e inesquecible.
Como todo traballo ten a súa recompensa, desexamos desde o Equipo de Dinamización Lingüística a toda a comunidade educativa un...

FELIZ VERÁN!

OBRADOIRO DE EDUCACIÓN VIAL: COÑECEMOS OS MEDIOS E A FUNCIÓN DA GARDA CIVIL

Agradecemos a valiosa e desinteresada colaboración de todos os compoñentes da Garda Civil que participaron nesta interesante experiencia. Despois das charlas impartidas por D. Ramón Peña sobre o acoso escolar, a drogodependencia e o uso da Internet nos adolescentes destinada ós alumnos de 3º ciclo de primaria, tivemos a sorte de celebrar unha xornada de educación vial exhibindo e dando a coñecer a  todos os escolares os medios dispoñibles da Garda Civil.

CELEBRACIÓN DAS LETRAS GALEGAS ADICADO A VALENTÍN PAZ ANDRADE

ACTUACIÓN DO ESPECTÁCULO DE TÍTERES " O SAPO ENCANTADO"

En colaboración co equipo da biblioteca, este ano quixemos acercar os contos e a tradición abrindo unha xanela á lectura evocada e tamén para fomentar hábitos de curiosidade pola literatura e os escritores da nosa lingua. Así houbo propostas adaptadas ó nivel e destrezas do alumnado. En Educación Infantil tiveron a sorte de disfrutar do espectáculo de títeres Tres Globos ca obra: "O sapo encantado". Para os alumnos de Primaria contamos coa colaboración de Xosé Miranda, que acudiu o centro o día 29 de maio para ter unha charla coloquio cos alumnos de 3º, 4º, 5º e 6º, despois de realizar a lectura nas aulas de varios do seus libros.

OBRADOIRO DE ALIMENTACIÓN E CONSUMO: FACEMOS TRUFAS NO COLE

Coa intención de realizar unha experiencia orixinal e atractiva, decidimos facer este obradoiro de elaboración de trufas no que puideron participar todos os nenos de Educación Infantil, amosando o s ingredientes deste doce, así como a súa elaboración e degustación na que disfrutaron a tope.

Unha xornada lúdica e gastronómica na que seguimos a fomentar hábitos saudables.