O venres día 17 preparamos unha gran festa para recibir o Entroido. Toda a comunidade educativa amosou os seus disfraces desde Educación Infantil lembrando a Mickey e Minnie, personaxes moi queridos polos nenos, pasando pola mascota Pupi, nos primeiros ciclos de primaria, os Piratas do Caribe no 2º ciclo, a Romaría do Rocío e o Rally da Ulloa no 3º ciclo.
Achegando a tradición gastronómica destas datas, tamén celebramos a típica chocolatada do Entroido.
