xoves, 29 de decembro de 2011

CELEBRACIÓN DO NADAL NA ESCOLA: CONCURSO DE POSTAIS DE NADAL









Desde o Equipo de Normalización Lingüística convocamos un concurso de postais para todos os ciclos do centro. Outorgamos cinco premios de entre todos os traballos presentados, e elixeremos unha postal para fecilitar a toda a comunidade educativa nestas datas tan entrañables. A exposición de traballos no corredor principal do centro amosou que a iniciativa foi un éxito.

FESTIVAL DE NADAL










Foi unha xornada lúdica moi emotiva na que todos os nenos puideron amosar o seu bo facer no eido musical, interpretando distintas panxoliñas, e nas dramatizacións ao carón do Belén, que encheron de emoción e ledicia a todos os asistentes ó festival.

xoves, 22 de decembro de 2011

ACTUACIÓN DO CONTACONTOS NACHO DE LALÍN







O 16 de Decembro visitounos o contacontos Nacho de Lalín co que disfrutamos moito cos seus contos e historias, así como cas cantigas de tradición oral da súa infancia.

luns, 19 de decembro de 2011

OBRADOIRO MEDIOAMBIENTAL COA COLABORACIÓN DE SOGAMA













Unha experiencia impresionante na que aprendemos a reciclar o lixo nos distintos contedores para primeiro e segundo ciclo de primaria. Tamén xogamos ó trivial os alumnos de 5º e 6º, respostando a preguntas formuladas da man de dúas monitoras que tentaron fomentar con estas actividades hábitos de coidado e respecto á natureza, elaborando varios supermurais para sensibilizar ós escolares da importancia do aforro da auga para a vida e de como reciclar todo tipo de materiais.

sábado, 8 de outubro de 2011

A FESTIVIDADE DO MAGOSTO


Os nenos de Educación Infantil amosan as súas manualidades




O outono é unha data optimista e vital para coñecer a natureza, ideal para encher de creatividade e morriña as horas de lecer e tamén de achegar as tradicións e as costumes típicas: o Samain, o Magosto... ao carón de contos, lendas, murais e manualidades coñecendo un producto propio da nosa comarca: a castaña.

mércores, 7 de setembro de 2011

CURSO 2011-2012

Benvidos ao novo curso académico que agardamos sexa de moito proveito para toda a comunidade educativa do centro. Desde o novo equipo de normalización e dinamización lingüística seguimos coa ilusión de realizar unha morea de actividades e obradoiros para dinamizar a nosa lingua e para investigar no noso refraneiro durante todo o curso académico.
Da man de contacontos, magos e diversos talleres tentaremos achegar a todos os alumnos do CEIP a aficción pola lectura, pola nosa cultura e a recuperación das nosas tradicións.

xoves, 23 de xuño de 2011

FACEMOS UN TRAMO DO CAMIÑO DE SANTIAGO







Un ano máis e como xornada de convivencia para toda a comunidade educativa do C.E.I.P Monterroso continuamos co Camiño de Santiago, realizando entre todos un novo tramo de Palas de Rei ata a área recreativa de Furelos (Melide).Unha xornada chea de cansanzo pero moi alentadora para todos os alumnos e alumnas, profesorado e persoal de comedor, que seguindo a iniciativa desde o ano anterior levamos a cabo para lembrar a tradición xacobea palpando a natureza e o sentir do camiño.

martes, 14 de xuño de 2011

OBRADOIRO DE TRADICIÓN ORAL: REFRANEIRO DA ULLOA



Dentro do obradoiro de tradición oral seguimos a recompilar refráns, ditos, adiviñas e cantigas. Este ano propuxémonos elaborar o Refraneiro da Ulloa contando coa colaboración das familias na aportación de refráns e ilustracións por parte dos nenos.
A actividade consistía en que cada familia aportase un ou varios refráns relacionados coas distintas festas, tradicións, festas do ano e labores agrícolas.
Desde o equipo de dinamización consideramos que descubrir o refraneiro supón descubrir moitos dos nosos saberes. Cada vez que empregamos un refrán, para rebater, para consolar ou para informar estamos empregando unha técnica oral sustentada por toda unha comunidade que coñece a expresión e contido e vaina transmitindo de xeración en xeración.
Tratar de recuperar un elemento tan importante da cultura da nosa comarca da Ulloa é un proceso de investigación que deixamos aberto para continuar investigando en cursos vindeiros.
Fixemos unha recollida xeitosa dos mesmos que expoñeremos no corredor principal do colexio durante o mes de xuño.
Foi unha experiencia colectiva que pensamos seguir fomentando para logo publicar e achegar o refraneiro da Ulloa a todas as familias da comunidade educativa.





venres, 27 de maio de 2011

OBRADOIRO ETNOGRÁFICO DA MÚSICA TRADICIONAL





Da man do musicólogo Marías de Ortigueira fixemos un recorrido por todos os instrumentos da música tradicional, o día 25 de maio. Cunha xenerosa exposición de instrumentos musicais de vento, percusión, vento-metal e os máis variopintos da nosa cultura tradicional, todos os alumnos do centro puideron velos, tocalos e disfrutar deste fermoso momento co obxectivo de coñecelos e introducilos no mundo da música, a través da interpretación didáctica de distintas pezas musicais.

ACTUACIÓN TÍTERES TRES GLOBOS





Unha actividade que tivo moito éxito entre os escolares foi a actuación de títeres Tres Globos coa obra titulada Pedro e o lobo. En tres sesións durante a maña do 24 de maio, os alumnos disfrutaron dunha xornada divertida onde as gargalladas invadían a sala multiusos do centro.

mércores, 25 de maio de 2011

SEMANA DAS LETRAS GALEGAS


A semana das Letras Galegas celebrámola cunha morea de actividades, adicadas ao poeta monfortino Lois Pereiro. Quixemos achegar a súa obra e a súa vida, a súa poesía impregnada de sinceridade, dor e amor a carón de diversos actos: exposición de paneis informativos no corredor principal. Fixemos un gran mural alusivo a Lois Pereiro.



mércores, 27 de abril de 2011

23 DE ABRIL: DÍA DO LIBRO


Abril é a festa do libro. Por iso, para fomentar a lectura e a curiosidade polo que hai dentro dun libro, achegamos a todos os nenos e nenas do cole unha pequena exposición de libros, curiosidades, contos e aventuras para todas as idades, acompañada da man dun gran mural alusivo o Día do Libro.

xoves, 10 de marzo de 2011

ENTROIDO 2011














Con moita ledicia, ilusión e diversión celebramos o Entroido na escola. Velaí unha mostra do noso bó facer, agradecendo a colaboración de todas as familias na confección dos disfraces. Desde Bob Esponja, espantallos, animadoras, peregrinos e tamén lúas e soles invadiron o C.E.I.P. Monterroso agasallándonos un día de troula inolvidable.
Seguimos a tradición probando os deliciosos doces e postres desta época no comedor acompañados dunha boa chocolatada.