FESTIVAL DE NADAL 2014

Un ano máis, o trasno de Nadal engaiola a nosa comunidade educativa. Celebrámolo cun fermoso festival no que participaron os alumnos interpretando panxoliñas, dramatizacións, bailes e mimos, lembrando esta data feiticeira. Velaquí a mostra!

 Os principiantes de tres anos cantaron unha panxoliña.

Os alumnos de 5º de Primaria deleitáronnos cunha fermosa mostra mímica!

O MAGOSTO NA ESCOLA: XORNADA LÚDICA E DEPORTIVA

O noso cole celebrou un ano máis o día 13 de novembro a tradición dos Magostos ó carón de xogos populares e tendo como protagonista a castaña. Ademais, coñecemos e traballamos nas aulas a importancia deste froito do outono para a economía monterrosina.

Velaquí unha mostra dos castañeiros feitos con material de refugallo para gardar as castañas quentiñas do Magosto.

DESEMBARCO NO CEIP DE MONTERROSO

O pasado 30 de outubro recibimos a visita por terra dun enorme barco cargado de aventuras da Ribeira Sacra da man da Diputación Provincial de Lugo. Unha experiencia especial para os nosos escolares que puideron palpar de cheo as fabulosas paisaxes que nos ofrece a Ribeira Sacra, así como as embarcacións que se utilizaban noutrora, E todo, da man dun fermoso vídeo de Anxo Moure para apoiar a iniciativa de Patrimonio da Humanidade dunha paisaxe impresionante.

Tamén coñeceron a diferente biodiversidade dos nosos ríos, costas e mares.

TEMPO DE OUTONO: A FESTA DO SAMAIN

Comeza o novo curso e con el unha nova estación fermosa e diferente, na que realizamos distintos obradoiros para coñecer as festas e os froitos típicos da mesma. Celebramos a festa do Samaín cos máis cativos, realizando entre todos un fermoso mural cheo de bruxas e cabazas máxicas. 

OBRADOIRO MEDIOAMBIENTAL: PROXECTO VOZ NATURA

Este ano seguiremos traballando para manter limpo e coidado os nosos espazos culturais e de ocio. Estamos de noraboa porque participamos con noso proxecto "Coñecemos as plantas aromáticas da Ulloa" en VOZ NATURA, cunha dotación económica importante para iniciar o noso mini horto de plantas medicinais. Tentaremos achegar o mundo da botánica, así como as propiedades curativas das plantas que utilizaban as nosas avoas para mellorar a saúde, para condimentar ou para aromatizar.

BENVIDOS AO NOVO CURSO 2014-2015

Un novo curso comeza, vimos cheos de ilusións e ganas de compartir obradoiros e actividades lúdicas. Seguiremos traballando os valores de respeto, tolerancia e reciclaxe cara a conquerir un planeta mellor.

FABULOSO FESTIVAL DE FIN DE CURSO

Realizamos o día 20 de xuño, no pavillón polideportivo, o festival de fin de curso onde os alumnos amosaron as súas dotes teatrais, as acrobacias máis divertidas realizadas polos distintos cursos de Educación Infantil e Primaria.

Os máis pequeniños sorprendéronos coa representación da obra teatral "O coelliño branco"

A tradición oral da man da cantiga "A vaca Marela", interpretada polos alumnos de 5º de Infantil.

 



Os artistas de 6º de Educación Infantil agasalláronnos cun fermoso baile.

Os alumnos de 1º e 2º de Primaria tamén nos adicaron fermosas cancións en inglés.

As acrobacias dos alumnos de 6º de Educación Primaria entusiasmaron ó público.

 

  

FELIZ VERÁN A TODA A COMUNIDADE EDUCATIVA!!!

XORNADA DE CONVIVENCIA E SAÍDA DIDÁCTICA NO ESPAZO NATURAL DA PENEDA

Como remate de fin de curso, toda a comunidade educativa desprazouse ata a área recreativa da Peneda para disfrutar de actividades lúdicas e dun bo xantar en convivencia.

ESPÉCTACULO MUSICAL DE MIGALLAS

O día 19 de xuño tivemos a oportunidade de poder disfrutar no auditorio do Centro Cultural dun espectáculo musical: Pan de Millo, onde o grupo de teatro Migallas realizou una exposición de todo o proceso de elaboración do pan de millo ó carón de cantigas de tradición oral da nosa cultura popular.

OBRADOIRO DE CREACIÓN: O CONTO VIAXEIRO DOS BOLECHAS

Unha iniciativa levada a cabo pola profesora de Educación Infantil de 4º B, cos seus alumnos e as súas familias. A experiencia consistía en que cada familia aportara historias e contos cheos de creatividade ao carón dos centros de interese: estacións, Entroido, Magosto, tendas, alimentación e a Peneda; tendo como protaganistas as personaxes dos Bolechas e ós alumnos participantes.
Velaquí a supercreativa participación das familias nunha verdadeira obra de arte: